Lyrics
baithe hain rahaguzar par dil ka diya jalaaye
shaayad vo dard jaane, shaayad vo laut aaye
baithe hain rahaguzar par
aakaash par sitaare chal chal ke tham gaye hain
shabanam ke sard aansu phuulon pe jam gaye hain
ham par nahin kisi par ai kaash raham khaaye
shaayad vo dard jaane, shaayad vo laut aaye
baithe hain rahaguzar par
raahon mein kho gayi hain hasarat bhari nigaahein
kab se lachak rahi hain aramaan ki narm baahein
har mod par tamanna aahat usi ki paaye
shaayad vo dard jaane, shaayad vo laut aaye
baithe hain rahaguzar par
