Lyrics
aur nahi bas aur nahi, gam ke pyaale aur nahi
dil mein jagah nahi baaki, rok nazar apni saaki to
aur nahin bas ...
sapane nahi yahaan tere, apne nahi yahaan tere
sachaai ka mol nahi, chup ho ja kuch bol nahi
pyaar preet chillaayega to, apna gala ganvaayega
patthar rakh le seene par, kasamein kha le jeene par
gaur nahi hai aur nahi, parwaano par gaur nahi
aansu aansu dhalte hain, angaaron par chalte hain to
aur nahi bas aur nahi ...
kitna padhu zamaane ko, kitna gadhoon zamaane ko
kaun gunon ko ginta hai, kaun dukhon ko chunta hai
hamdardi kaafoor hui, neki chakanaachoor hui
ji karta bas kho jaaoon, kafan odhakar so jaaoon
daur nahi ye aur nahi, insaanon ka daur nahi
farz yahaan par farzi hai, asli to khudgarzi hai to
aur nahi bas aur nahi ...
bimaar ho gayi duniyaa, bekaar ho gayi duniya
marne lagi sharam ab to, bikne lage sanam ab to
ye raat hai nazaaron ki, gairon ke sath yaaron ki
ji hai bigaad doon saari, duniya ujaad doon saari
zor nahi hai zor nahi, dil pe kisi ka zor nahi
koi yaad machal jaaye, saara aalam jal jaaye to
aur nahi bas aur nahi ...
